schizodefective

عربى

تعمل ايه لو كل لحظة كل همّك الإنتحار؟ تعمل ايه لو كل فكرة كل خاطر, كل نظرة كانت بتحكى عن فِرار؟ تعمل ايه لو أىّ كلمة حد قالها فى يوم وغار كلمة أهبل, ملهش لزمة سببتلك الإنكسار؟ تعمل ايه لو أى نسمة أو هواء وعمل تيار فكرك ب عمارة عالية ويوم هتاخد فيه قرار؟ يوم يتسدّ فيه طريقك يوم مفيش أيّ إختيار يوم حتمسح فيه في دمعة مفيهوش إجابة ولا إستفسار يوم بدايته أكيد هتبقى كُحل أسود و إنهيار يوم شيطانك فيه هيكسب يوم نهاية الإنحدار يوم هتضعف, يوم حتخسر يوم وعارفه أكيد هييجي يوم دمار

#شعر #عربى #بالعاميه

عفاريت واسياد وجنّ ودجل و كلام يجنّ وحجاب وعلم أوفاق وحاجات تجيب فتاق ليه دايما اللى شايف حاجة وشايفها واحده ليه فاكر اللى شايفه مش وهم من جوارحه؟ ليه دايما كلّه واثق ان بصره صحيح؟ ليه معندوش اى شكوك ان عقله جريح؟ عقلك ده ممكن يخدعك و يتوّهك و يصربعك وكل وهم تشوفه حيدربكك و يضيّعك لو شفت شئ غريب و خارج عن العادة متقولش ده عفريت عايزين بخور زيادة لا اللى انت شايفه ده بيسموه Illusion وحيوديك فى داهية ويزيد في ال Confusion فكك من جهل الناس وخلط ف مفاهيم الدين عمره ما قال عفاريت محتاجة سيم حتى ف عصر الرسول مجاش ولا حديث عن ناس لبسها جن وجابولها شيخ حثيث عشان يولّع عود ويهمهم كلمتين يطلّع الموعود ويعالجه ف خطوتين خلاص عفريت وطلع من صباع الرجل الكبير بس اوعى تغنى تانى فى الحمام ده شئ خطير احا يا شعب تافه بيصدق العبط كل الاجانب برة بيغنوا و ده غلط؟ امال عايشين ازاى مش لابسهم جن ليه؟ الجن تجيلنا بس واشمعنا احنا وليه؟ واللى راح لدكتور نفسى عشان شاف حاجة غريبة ليه ببرشامة اختفت والله حاجة عجيبة

#شعر #عربى #بالعاميه

إستحضرت الشيطان فسألنى، عَمّا أريد مقابل ان أبيع روحى؟ فى لحظة وجْدُ وجدتنى أطلُب، ما أنقصه، حبُّ يداوى جروحى. طلبت أن يجعلنى أتقى المؤمنين، أن يُذهب الشك و يوقف جنوحى، و أن يعمر قلبى باليقين، وحب صرف لرب العالمين.

وحين أيقن الشيطان أن الطلب، ليس بمزاح وليس بمَقْلب، توقف عن الضحك ثم شَخَرَ، بركان من خَشَمُه انفجر، فلّ الحديد والحجر، إقتلع جذور الشجر، و قال “قد أخطأ من ذكر، إسم الإله فى حضرتى، فالإسم ذاته إن ذُكر، قد ذهبت معه قوّتى.”

#شعر #عربى #poetry